Wappen des Kurkölnischen Sauerlandes

(H)Franziska Seibertz, 1855

(H)Winterberg

(H)Gabelkreuz in Scharfenberg

(H)Wocklum

(H)Krippe auf Schloß Melschede

(H)Arnsberg

(H)Waldskulpturenweg

(H)Hof in Kirchveischede

(H)Fluß

(H)Herbstwald

(H)Mitgliederversammlung-Schloß Amecke

Platt
 

Sau ändert iärk de Tieen

Schwalwen Affscheud

Uese Bullerduik

Ohne Tante Dora

Iut’m Suerlanne

De Pottkremer

De nigge Strom

De Sänger von Rodlingsen

Duorpkind Gedicht

Summer

Bettgen

Moren vä ve Roggen mäggen

Hahnen-Balz

Dai Wiärhhahne

Hoame, loaw Hoame

Wille Raisen Lied

Iek

Ut d’r Schaultid

Poskevatter Lehmann

Hilligentracht Fellerprozession

Trillertanz in Attendorn

Kattfiller

Summer

CD von Karl H. Falk.

D
e lesten beien Johre harren vi et allenthalwen met' m heiten Summer te daun. Dai Wiärwickers imme Feernsaihn mochten Dag füör Dag dat niämleke sien: 'En Houge üewwer Europa mäket unse Wiär. Dai Temperaturen Dags üewwer: 25 – 30 Grod. Op de Nacht kaileret siek blous wennig af. Kaine Änderunge in Utsicht!' Wamme süss dai Wiärwickers ouk METEREOLÜGEN näimet, düesen Summer hät se uns nit einmool beluagen.

Dai Buern bruchten siek biem Haimaken nit afterackern. Bi diäm Wiär kraigen se de Bansen lichte unger't Daak. Met' n Dirs op en Weien was et nit sou guet, dai harren ümme Tid blous nou fossig Gras tefriäten. - Sougar op'm Schütten fest in Olpe schin de ganze Tid de Sunne.

In diän Görens mochten de Lüe allenthalwen de Blaumen un de Planten splentern un in diän Geschäften hett se höipewise Beierkisten un süss wat te drinken huollt. Dat ganze Liäwen spi llte siek imme Gaaren af. Dai Lüe saten bit daip in de Nacht do buten rümme. An mannegen Stien hät se Tuffeln, Fleiss un Wuast broen. Dai Gerüek toug diär de ganz Giegend, dat em me balle schlecht dovan wor. Me konn ouk de Finster nit opstohn loten, wildat me dann diän ganzen Dümmel in en Stuawen harre.

Imme viärigen Johr was te allem Unglücke ouk nou dai Fussball-Weltmesterskop. Mannigen ennen harre et Radio odder de Biellerkiste met no buten nuammen un dai ganze Nowerskop mochte dat met anhören, of se woll odder nit. Uawendrop gaffte't dann nou en wahn Spetakel un Ramentern, wann dai Ital iener odder dai Dütsken wunnen harren.

lek mochte mooI in de Staadt, ümme mi en Päckelken Tubak te koupen. Do kam mi de Hännes in de Maite. Hai wiskere siek met'm Dumen diän Schweit van d'r Blesse un saggte: »Ha! Düet Wiär frögget miek, do schwett ouk dai Lüe, dai nix daut!«

As dann ouk nou de Heinrich siek bi uns stallte,dä dai eistmooI en wahnen Söcht un meinere: »lek sie't Au, düet Wiär is en Skandal, wieger diäm Durst, dai nu verluaren gaiht!«

Wat kraig me owwer in d'r Staadt nit alle te saihn. Oe Pastouer kam op'm Flizepe verbi. Hai harre de Hiemedesmoggen houge krempelt un en üewesten Knoup amme Kragen op. Un ouk dai Herens op d'r Sparkasse harren bi em GeldteIlen iähr Wammes uttuagen. Do konn me nix gieger sien.

Owwer dai anderen Lüe eist. Me kam siek füör ase op Mallorka. Harren dai alle vergiäten, dat se nit mehr terheime in d'r Schlopstuawe woren un iärk nou nit firrig antuagen harren? Se laipen diär de Staadt met säno nix amme Baste. Diän Wiweslüen schlackerten, wildat se kain Ungertüg aan harren, iähre Saaken unger diän Iüttigen Hiemedern. Wann moDI eint üewer de Strote sprang, mochte me Angest hen, dat iähme de Büeters dorut hupseren. Frögger härren de Mömmen diän Blagen, eger dat se ut'm Huse gängen, saggt: »Dau di diän Utschnitt in de Höchte, odder weste in din Unglücke loupen!« Butzen harren se aan, odder Röckelkes, dai ne sou iäwen üewer de Schiämmede gengen.

Bi diän Mannsüen was et ouk nit biätter. Dai harren van en Socken bit tau d'r kuarten Butze grise, stiäkelige Staken.

Dai Wambroen woren voll met bloen Odder-Knüsten. Üewwer diän dicken Büken harren se blous en Ungerhiemed aan un dobi en Is op d'r Hand. Dat jüngere Volk un dai, dai glofften se wören.. et nou, harren ne kuarte Butze aan, dai men blous nou en Aäs-Etwi was, dat de Müse ungen affriäten harren. Op d'r blecken Buarst un ümme en Hals harren se ne Remmekie un do aan en grout Krüze, odder en krummen Tahn vamme willen Schwine. Viär em Koppe en schwuarten Brill, met Ougengliäsern, sou grout ase Abee-Diekel. - Alle Lüe glofften, se söhen störig ut!

Dat Mote füör diän gurren Beniem schint van Johr te Johr wenniger te weren. Is et nöidig, dat jeider dat viär aller Ougen wiset un ouk besaihn IÖlt, wat hai hiät, sou ase im zoologischen Gaaren? Odder weil de Menskhait op düese Wise wier tau Taustännen kummen ase im Paradise? Süiht terheimen kaimes mehr in en Spaigel, eger dat'e no buten gaiht?

Wat is et sou guet, dat et af un tau mMI Riän giett un dat de Hiärwest kümmet, domet dai Menskhait wier halwwiägs normal werd.

Owwer, et kümmet wier en Summer un vi wellt huapen, dat dai wier schöin werd!


SHB Logo-1   Vorstand    Geschichte    Schwerpunkte   Termine    Zeitschrift Aktuell    Zeitschrift Archiv    News    Fotos    Kontakt    Links  Gästebuch