Wappen des Kurkölnischen Sauerlandes

(H)Franziska Seibertz, 1855

(H)Winterberg

(H)Gabelkreuz in Scharfenberg

(H)Wocklum

(H)Krippe auf Schloß Melschede

(H)Arnsberg

(H)Waldskulpturenweg

(H)Hof in Kirchveischede

(H)Fluß

(H)Herbstwald

(H)Mitgliederversammlung-Schloß Amecke

Dat nigge Froihjaohr

De Sunne schuint säo hell un klaor –
dat nigge Froihjaohr dat ies dao!
Un met der niggen Jaohrestuit
dao sin ve niu diän Winter quuit.

Un kuikeste maol düör de Riuten,
et wärd niu liuter schoiner biuten –
et wärd niu grain op allen Stuien,
un Schnoikklöckskes sind amme luien…

Füörske hüppet – Vüegel singet,
Twieke druiwet – Knoppen springet;
Immen fanget an te summen,
Hummelten sind amme brummen…

Hauhner kackelt op me Neste,
Hahnens krägget op der Miste;
Liäwen ies niu üöwerall
op me Biärge – imme Dahl.

Et wegget säo ne sachten Wind –,
de Miäkes äok genehmer sind –
warme ies de Sunnenschuin,
schoiner kann et gar nit suin!

Dai schwatte Katte op me Tiune
dai hiät vandage guerre Liune.
Un wat ues fällt besonners lichte
dat ies en fröndlicket Gesichte.

Jao, fröndlick suin ies nit verkährt
un ies doch säo ne Masse wärt!
Un wemme sick dr män nao stellt,
wat kann et schoin suin op der Welt!

Niu wevve us van Hiärten fröggen
un uesem Hiärguott „Danke“ seggen –
un niähmen met van Hius te Hius
diän schoinsten Foihjaohrsblaumenstriuß!

 

Jupp Balkenhol


SHB Logo-1   Vorstand    Geschichte    Schwerpunkte   Termine    Zeitschrift Aktuell    Zeitschrift Archiv    News    Fotos    Kontakt    Links  Gästebuch